બાળપણ

ચાલને દોસ્ત બાળપણની યાદોને

આજે તાજી કરી લઈએ

ચાલને ફરીથી એકવાર સંતાકૂકડી રમી લઈએ,

તું સંતાઈ જા હું તને શોધવા નીકળું

ચાલને ફરીથી કાગળની નાવ બનાવી લઈએ,

વરસાદના વહેણમાં એ નાવને તરતી મૂકીએ..

ચાલને ફરીથી એકવાર શાળાએ જઇ આવીએ,

પાટી પેન લઈ એકડો બગડો ગૂંથી આવીએ..

ચાલને ફરીથી કિટ્ટા બિલ્લા થઈ જઈએ,

મનાઈને સંબંધો ને પાછા પેલા જેવા બનાવી દઈએ..

ચાલને ફરીથી ગામની શેરીઓમાં આંટા મારી આવીએ,

ભૈરુની સાથે મળી પાદરની એ રેતીમાં આળોટી આવીએ..

ચાલને એ મસ્તી ફરિથી કરી આવીએ,

હસતા મોઢે પણ ફરી એકવાર માર ખાઈ આવીએ

ચાલને દોસ્ત ફરીથી બાળપણમાં ફરી આવીએ