શાળા જીવન

ઘણી વાર મને મારી એ 

શાળા યાદ આવે છે

મસ્તીનો મારો એ વિશાળ મહેલ

યાદ આવે છે

એ છેલ્લી પાટલી પર

ચિત્રકામ મારું પણ છે

નથી મારી એકલીનું દોસ્ત

અડધું તારું પણ છે

ઘંટડીના એક અવાજે 

ક્લાસમાંથી છૂટયા 

શાળાના એ મેદાનમાં 

ક્યાંક દોડ્યા તો ક્યાંક પડ્યા

ડબ્બો મારો આખો લઈ લે 

તારા વગર બેસ્વાદ છે

હવે સમજાયું જે ભાવતો તો 

એ તો દોસ્તીનો સ્વાદ છે

સવારની એ પ્રાથના જેમાં

ઊંચા અવાજે સુર છેડ્યા 

એ પ્રિન્સીપાલ જેની એક રાડથી

ક્લાસરૂમમાં દોડ્યા

એ શિક્ષકો યાદ આવે છે

જેને અમે ખૂબ પજવ્યા

જિંદગીએ તો બધા પાઠો એમને

તમાચો મારીને શીખવ્યા

ચાલુ લેક્ચરમાં ખવાતા

એ નાસ્તા અને

પાણી ભરવાના બહાને આખી

શાળામાં મારેલા આંટા

યુનિફોર્મની નીચે એકસરખી 

સૌ હસ્તી હતી

માટે જ તો દોસ્તો 

દોસ્તી ત્યારે આવડી સસ્તી નોતી

દોસ્તોની એ યારી મને

આજે પણ યાદ આવે છે

આજે પણ કોઈ અનાયાસે મળી જાય તો

કહેવાઈ જ જાય..

ઘણી વાર મને મારી એ 

શાળા યાદ આવે છે