અવર્ણનીય લીલાઓ
અવર્ણનીય લીલાઓ
1 min
334
કેવું આશ્ચર્ય દિશે બ્રહ્માંડ રગને ખૂણે ખૂણે,
કોઈ ઉપમા ન આપે અવર્ણનીય ક્ષણે ક્ષણે,
સર્પ સમી સર્પિલ લહેરો વીંટળાઈ સૃષ્ટિ તણી,
એ પામવા સુગંધ ગહેકાય એની ચાંદની ભણી,
અદ્ભૂત અવર્ણનીય અજવાસ પથરાયા આજે,
કોક મૃગજળ મૃદંગ અખંડ પાવાઓ સંગ બાજે,
નીજ ભાવનની તરંગ ઊઠી ઊંચેરા સાથ ભળ્યા;
મૌન મૌલિક બનીને વરસાવી પાછા આમ વળ્યા,
સહજ શ્વાસોશ્વાસની ગહનતા મપાય અવનીની,
સુધાએ સ્પર્શ કરી નવરંગ ઢોળ્યાં કરી વાત રજનીની,
કેટલું કરું વર્ણન આ અવર્ણનીય લીલાઓની છડી ;
'ફાગ' તો આ માયાતણી નગરીમાં જાણે ભૂલી પડી,