અરે આશિકો

મોહતાજ નથી પ્રણયના મુકામો, સુંદર ચહેરા તણા,

અરે આશિકો ! આમ તમે, ગમે ત્યાં ન ભટકયાં કરો... !

કોઈની તીરછી નજરને, માની તમે મૂક 'હા' માં ઈશારા,

વીંધાવી દિલને આમ તમે, વહેમમાં ન લટકયાં કરો... !

હસી-હસીને કરે કોઈ વાત, નજરમાં નજર મિલાવી,

તો એ હવે છે આપણાં, એવા શમણાં ન જોયા કરો.. !

કોઈના જરીક મીઠા બોલને, ન માનો ઊર્મિઓના ઉભરા,

છે મતલબી જમાનો, જાતને તમે આમ ન વેચ્યા કરો.. !

નથી હોતા સહેલા એમ, મહોબ્બતના મુકામો કાયમી,

લગાવી પેચ એમ ગમે ત્યાં, નાજુક દિલ ન તોડ્યા કરો.. !

હશે કોઈને કદર સાચા પ્રેમની, નક્કી જતાવશે એ પણ,

મૂકી ભરોસો પાત્ર પર 'હાર્દ', ખુદને હવે ન કોસ્યા કરો.. !