લાઈબ્રેરી
પ્રોફાઈલ
અપેક્ષાઓએ સતત રડાવ્યા
અપેક્ષાઓએ સતત રડાવ્યા
1 min
23
ઝાઝી અપેક્ષાઓએ સતત રડાવ્યા છે,
આ લાગણીઓએ પણ ખૂબ બચાવ્યા છે,
જિંદગીની પરીક્ષાઓ આમ ક્યાં સહેલી છે !
કંઈક પામવા જિંદગીએ સૌને ભગાવ્યા છે,
સાચો પ્રેમ જિંદગીમાં ક્યાં મળે છે કદી !
જોને પ્રેમ કરનારને કેટલા તડપાવ્યા છે !
ફૂલો તો મૃત્યુ પામીને અત્તર થઈ ગયા છે,
જોને કાંટાઓને લોકોએ કેટલા વગોવ્યા છે,
ખાલી આવ્યાં અને ખાલી જવાનાં સૌ,
પણ તોયે આ જિંદગીએ કેટલા દોડાવ્યા છે !
એમ ક્યાં સહેલું છે સઘળાં બંધનો તોડવાનું !
જોને આ જિંદગીએ કેટલા હંફાવ્યા છે !
