અજાણી છોકરી
અજાણી છોકરી
આખ્ખે આખું દિલ હરી ગઈ એક અજાણી છોકરી,
જીવનમાં ઉત્સાહ ભરી ગઈ એક અજાણી છોકરી,
નૈનથી નૈન જ્યાં મળ્યાં અંતરે આનંદ આચ્છાદિત,
આવીને ભરવસંતે ખરી ગઈ એક અજાણી છોકરી,
દ્વય અધરોષ્ઠ એના આકર્ષક ગયાં ઉરમાં એ વસી,
કામણ કેટકેટલાં એ કરી ગઈ એક અજાણી છોકરી,
ખંજન ગાલના મનોહર હૃદય ધબકાર ચૂકાવનારા,
જેને જોતાં આંખ કેવી ઠરી ગઈ એક અજાણી છોકરી,
મધુર ઘંટડી સમા અવાજે નામ મારું જ્યાં લીધું,
યાદ કરવાની આપી ખાતરી ગઈ એક અજાણી છોકરી,
પાય નૂપુરને કેડ કંદોરો ફૂલ ગુલાબ જ્યાં વેણી,
એ પણ સ્મરણો કેવાં ધરી ગઈ એક અજાણી છોકરી.