અગ્નિ

પાંચ તત્વો થકી સૃષ્ટિ બની, 

 ભલે લાગે આ વાત પુરાની. 

આદિ અનાદી કાળથી ચાલે, 

વેદપુરાણ એ વાત બોલે. 

સંસાર ચક્ર એથી ચાલતું, 

સૌ કોઈ આ વાતને જાણતું. 

જળ વાયુ ધરતી આકાશ, 

અગ્નિ, જેનાથી થતો વિકાસ. 

અગ્નિતત્વ છે કલ્યાણકારી, 

લગ્ન હવનમાં એ જરૂરી. 

એની સમક્ષ ફેરા લેવાય, 

સાત જન્મોના સંગાથ થાય. 

પોષણ કામે પ્રથમ સ્થાન, 

બનાવે જે સ્વાદિષ્ટ વ્યજંન, 

વાનગીઓ અને પકવાન, 

એ બધી જ છે અગ્નિની દેન.

 

માનીયે તેમને ભગવાન, 

નિત કરીયે એમને નમન.

તેની સાથે ન રમત રમાય, 

નહી તો કિસ્મત બદલી જાય.