અચાનક
અચાનક
મધ્ય રાત્રીએ અચાનક ઊંઘ ઊડી ગઈ
આંખ ખોલી જોઉં તો
અંધકારને બદલે ચોપાસ ઉજ્જ્વળ પ્રકાશ
આહહહ ! મનના તરંગોને શાંત કરતો અલૌકિક પ્રકાશ
ને
ઝીણા મોરલીના સૂર,
રાતનો ઉદ્વેગ જાય ભાગ્યો
મનમાં આનંદની લહેરો
મન કહે હરિ તું આસપાસ છે
તારા વગર
ચમત્કાર ક્યાં શક્ય છે ?
આંખો ચોળી તને શોધું
પ્રકાશમય વાતાવરણ
આંખોય પૂરી ન ખૂલ્લી.
ન દેખાયો તું..
કદાચ કરમ...
હરિ હરિ ક્યાં છો તમે ?
મારા શ્વાસ કહે છે તું જ છે.
તો
અડચણ કેમ ?
અચાનક આવી ચોંકાવી..
કાયમ તું કહે હરિ આવો ને..
આવો ને હૃદયમંદિરમાં બિરાજો.
તો લે આવી ગયો..
તો હવે..
મને પ્રકાશમાં
મોરલીના સૂરમાં
કે
મોરપીંછ માખણમાં ન શોધ
હું છું કણકણમાં
દરેકના હૃદયમાં
તો મને ભીતર શોધ...
તને મળીશ જ..
અચાનક તંદ્રા તૂટી..
પ્રકાશ ભીતર સમાયો
છતાં..
ચોપાસ પ્રકાશ જ પ્રકાશ
હરિ સાથે મિલનનો..
અલૌકિક મિલન.
બરાબર ને મનવા ?