અબોલ પ્રેમ

ન કહેવા છતાં સમજી મારી લાગણી,

પુરી કરે છે તું સતત મારી માગણી,

આ તો કેવો અબોલ પ્રેમ તારો !

હું માંગુ ને આપે એ રીત તો સૌની,

પણ માગ્યા વિના પીરસે એ રીત અનોખી,

આ તો કેવો અબોલ પ્રેમ તારો !

જિંદગીની મઝધારે રાહબર બની રહે,

પંથ પર આવતા કાંટા પળમાં દૂર કરે,

આ તો કેવો અબોલ પ્રેમ તારો !

લાગણીશુન્ય બની સૌ જ્યાં છેતરાય,

ત્યાં તારી લાગણીની મહેક પથરાય,

આ તો કેવો અબોલ પ્રેમ તારો !

ડગલે ને પગલે જ્યાં રોજ મળે કાંટા,

એમાં તું ફુલ બનીને મને મહેકાવે,

આ તો કેવો અબોલ પ્રેમ તારો !