આવશે જરૂર

કનૈયાને સહુ સાદ કરો એ આવશે જરૂર,

જન્માષ્ટમીનું કારણ ધરો એ આવશે જરૂર,

શણગારો શેરી ગલીને સૌ ચોકને ઉત્સાહથી,

વળી સજાવો તમારાં ઘરો એ આવશે જરૂર,

અંતરમાં પારાવાર સ્નેહ પાથરો કૃષ્ણ કાજે,

નૈનમાં તમે પ્રેમાશ્રુઓ ભરો એ આવશે જરૂર,

ગોપીભાવ હૈયે પ્રગટાવો માખણમિસરી લાવો,

રાધા બનીને પ્રતિક્ષા કરો એ આવશે જરૂર,

આર્તનાદથી એને પોકારો વાટ જોવાનું વિચારો,

એના વિયોગમાં તડપાવો એ આવશે જરૂર.