આવ જલ્દી
આવ જલ્દી
બહુ થયું, હવે કેટલી વાર છે ?
આવ જલ્દી ખુલ્લાં હૃદયદ્વાર છે
હવે ડોકિયાં ના કર તુ મૂર્તિમાંથી
આવ બહાર, મઝાનો સંસાર છે
માની લીધું મેં અસ્તિત્વ તારું
ના કર સાબિત, તું સાકાર છે
કેવો લાગતો હશે તું અસલમાં
જોવો તેને બસ એક જ વાર છે
મેં તો નીરખ્યા છે મા-બાપ મારા
કોણ કહે છે તું નિરાકાર છે ?
જોજે સાચવજે અહીં માનવથી
આ તો તનેય વેચી ખાનાર છે
ધીરજ ખૂટી 'સમીર'ની હવે તો
તને ક્યાં એનો વિચાર છે ?