એક તું જ નથી
એક તું જ નથી
છે પ્રાણ મારા, પણ હું જ નથી,
બધું જ છે, એક તું જ નથી,
રક્ત માસ, તેં દીધેલા શ્વાસ
બધું જ છે, એક તું જ નથી,
શીખ, પ્રેમ, ગુણ, યાદ તારી
બધું જ છે, એક તું જ નથી,
વિત્ત, હેમ, રૂપું એમનું એમ
બધું જ છે, એક તું જ નથી,
તિથિ, તારીખ, રૂદન, અશ્રુ
બધું જ છે, એક તું જ નથી,
ગગન, ધરા, ચાંદ, સિતારા
બધું જ છે, એક તું જ નથી,
ઘર-પરિવાર, સુત, ભાર્યા
બધું જ છે, એક તું જ નથી,
કલમ, ગઝલ, વિચાર, વિશ્વ
બધું જ છે, એક તું જ નથી,
મંદિર, મૂરત દીસે નિષ્પ્રાણ
તુજ વિના ત્યાં કશું જ નથી,
ઈશ્વર પણ હવે અટવાયો છે
જણવા એને, મા રેણું જ નથી.