આપી દે સજા
આપી દે સજા
જૂદા છું.
બહુ જ જૂદા !
કદાચ
સૌથી વધુ સ્વાર્થી છું !
કદાચ જ કોઈને
એટલી જરૂર પડતી હશે
તારી,
જેટલી
મને પડે છે.
દરેક બીજી ક્ષણે
મને જોઈએ છે તારું
આલિંગન.
એ જ ક્ષણમાંથી
ચોરી કરવી છે મારે
બીજી અર્ધક્ષણ
અને એ અર્ધક્ષણમાં મને જોઈએ છે
તારું તસતસતું
ચુંબન.
એ પછી જતી-આવતી પ્રત્યેક ક્ષણમાં
તુૃં જોઈએ છે
મારી ત્વચા, માંસ-મજ્જા અને રક્તની જેમ
મારી નિકટ, મારી ભીતર, મારામાં
આમ તને મારું આટલું
ઈચ્છવું
સ્વાર્થ હો
તો, હા
સ્વાર્થી છું હું.
આપી દે મને 'ઈશ'
હોય તો કોઈ
સજા...