ગમે છે

મને ગમે છે

તારી કલ્પનાઓ કરવાનું,

જાણે

અજાણ્યા શહેરની, અજાણ્યા કમરાની, અજાણી બારીમાંથી

અજાણ્યા આકાશને તાકતી હું,

જાણે

તારી તરફ પડતા મારા વાંસાને

અણધાર્યો જ 

સ્પર્શતો તુૃં,

જાણ્યા-અજાણ્યા રોમાંચથી

બીડાઈ જતાં મારી આંખોના પોપચાં પર

વહાલનાં અંધારાનો આનંદ,

ને એમાં ભળતો તૂટીને ભૂક્કો થયેલો તારો

તીવ્ર ખચકાટ,

ઊજાસભર્યા એ ખંડની શ્વેત દીવાલ પર

ભરબપોરના ચાંદરણાની ભાતમાં,

સમીપ સરકતા બે પડછાયાનું એ દ્રશ્ય

કલ્પવાનું

મને ગમે છે,