આંખોને હરિયાળી ગમતી

હરિતવરણી આ ધરતી આંખે શીતળતા ભરતી,

ચમક ભરી સિમેન્ટ કોંક્રિટ ગુણ એવાં ના ધરતી !

પંખીને રહેઠાણ પથિકને આપે છે વૃક્ષ વિસામો,

ઉજાડી વૃક્ષોને શહેરી કરતાં વિકાસના કામો !

હશે જો હરિયાળી તો વરસાદ એ લાવે તાણી,

સિમેન્ટના જંગલના તળમાં કેમ ઉતરશે પાણી !

વૃક્ષો આપે રાતદિવસ શુદ્ધ હવા શ્વસનને કાજ,

અઘીકતમ વાયુ દૂષિત કીધો ઉદ્યોગોએ આજ !

 

સમય હજી હાથે આપણે ભૂલ સુધારી લઈએ,

ઘરઘરનાં આંગણ જઈ રૂડા વૃક્ષો વાવી દઈએ !