આંખો તારી

ન જાણે કેટકેટલું કહી જાય છે આંખો તારી.

ન જાણે કેટકેટલું સહી જાય છે આંખો તારી.

હારી જાય ભાષા પણ સઘળું સમજાવવામાં,

ન જાણે કેટકેટલું વહી જાય છે આંખો તારી.

છે કાબેલિયત એની ઘાયલ કરવાની હંમેશાં,

ન જાણે કેટકેટલું ગ્રહી જાય છે આંખો તારી.

પ્રતિબિંબિત થાય છે ઉર તારું નયનના દ્વારે,

ન જાણે કેટકેટલું ચહી જાય છે આંખો તારી.

કાતિલ તીરસમી નજર તારી દિલ વીંધનારી,

ન જાણે કેટકેટલું મહીં જાય છે આંખો તારી.