આઝાદી

હો ભારતમાતા મેળવી આપણે,

આઝાદી મોંઘેરા મૂલની !

સામી છાતીએ ગોળી ખાધી,

પ્રાણ કેરા દીધા બલિદાન રે,

હો ભારતમાતા મેળવી આપણે,

આઝાદી મોંઘેરા મૂલની !

ખૂનની નથી વહાવી આપણે,

માતાએ દીધા દીકરાના બલિદાન રે,

હો ભારતમાતા મેળવી આપણે,

આઝાદી મોંઘેરા મૂલની !

કાયરતા છોડી અમે લડ્યાં,

જેલ કેરા કીધા અમે વાસ રે,

હો ભારતમાતા મેળવી આપણે,

આઝાદી મોંઘેરા મૂલની !

અનેક વિગ્રહો જોને લડ્યા,

નેતૃત્વ કરી છોડ્યા ઘર પરિવાર રે,

હો ભારતમાતા મેળવી આપણે,

આઝાદી મોંઘેરા મૂલની !

કેટકેટલા અપમાન સૌએ વેઠ્યા,

કાળા ગોરાના ભેદમાં અમે જીવ્યા રે,

હો ભારતમાતા મેળવી આપણે,

આઝાદી મોંઘેરા મૂલની !

ગુલામી ભરી જિંદગી જીવ્યા,

છોડી દીધા કંઇ નોકરી ધંધા,

હો ભારતમાતા મેળવી આપણે,

આઝાદી મોંઘેરા મૂલની !