వదల్లేని ఎదురుచూపు

వీడ్కోలు పలికేందుకు వచ్చిన చోటు

ఇప్పుడు దినచర్యలో భాగమైంది

ఒక కాలు ముందుకు

మరో కాలు వెనక్కి లాగుతోంది

దింపుడు కళ్ళెం ఆశలతో

జ్ఞాపకాల పేజీలను కూర్చిన పుస్తకాలు

బరువెక్కిన కన్నీళ్లు 

బాధ్యతల కౌగిళ్లు

పంచుకునే మనసు లేక

తల్లడిల్లిన బతుకు ప్రతిగా

ఆమె ఎదురుచూస్తోంది

వదల్లేని ఎదురుచూపు

బాణాలుగా మారి నింగికెగసి

అతని ఆచూకీ కోసం గాలిస్తున్నాయి

వచ్చే వార్త ఎలాంటిదో అని

ఆమె కళ్ళు టపటపా కొట్టుకుంటున్నాయి

ఏమో

మరల అతడి తనువును తాకే రాత

ఈ సఖికి ఉన్నదో లేదో

కాలమెంత సానుకూలమో

స్పందన ఎక్కడ కలిగేనో..