సిగ్గంటే

పెదవి ఏమి చెప్పగలదు..పిలుపుకెంత సిగ్గంటే..! 

గుండెసడియె చెప్పగలదు..మనసుకెంత సిగ్గంటే..!

వేగిపోవు విరహానికి..ఉపశమనం ఎప్పుడోయి..

చెక్కిలెరుపు చెప్పగలదు..సిగ్గుకెంత సిగ్గంటే..!

ఏ నిప్పుల వానైనా..అది ఎంతట ప్రేమముందు..

ఒక గులాబి చెప్పగలదు..చినుకుకెంత సిగ్గంటే..!

చేమంతుల వనమెంతగ..చిన్నబోయె తనే రాక.. 

చెలియచూపు చెప్పగలదు..వలపుకెంత సిగ్గంటే..!

తనకోర్కెల వనమిప్పుడు..చిగురులెలా వేసిందో.. 

తలపు మెఱుపు చెప్పగలదు..ముద్దుకెంత సిగ్గంటే..!