రైతన్న
రైతన్న
అమ్మకన్న మిన్న నీవు..నీవేగా నిజ దైవము..!
మాయన్నా రైతన్నా..తీర్చుటెలా నీ రుణము..!
నిత్యకర్మ వీరుడవే..సకలజీవ మిత్రుడవే..
చిందింతువు నీ స్వేదము..నీ ప్రేమకు లేదు సమము..!
రెప్పవాల్చవింత నీవు..శ్రమధర్మము మరువవింత..
ఎంతవింత జన్మ నీది..దాచవేది నీ కోసము..!
ఈ మట్టిని ఆ మబ్బును..నమ్ముకున్న గుండె నీది..
వెన్నముద్ద నీ మనసే..అమృతకరుణ ప్రతిరూపము..!
పుడమితల్లికే తల్లివి..తనను కాచు తండ్రి నీవె..
పొలంగట్టు నీ పానుపు..నాగలియే నీ ప్రాణము..!
