ప్రియమనసా

నీకు దూరమొక్కక్షణం నిలువలేను ప్రియమనసా 

వెలుగులేక చీకటినే చూడలేను ప్రియమనసా

ఉదయాన్నే తట్టిలేపు కిరణాలే నీ ఊసులు

నీతోడును నేనెపుడూ వీడలేను ప్రియమనసా 

గుండెతాకు చూపులవీ ముల్లులేని గులాబీలు

స్పందించక ప్రాణాలే వదలలేను ప్రియమనసా 

హత్తుకునే మంత్రమవుతు అందమైన బొమ్మనీవు

నీవులేని చిత్రాన్నే గీయలేను ప్రియమనసా 

నీపలుకే బంగారం‌ చిరునవ్వే చిరునామా 

నీవులేక రామపాట పాడలేను ప్రియమనసా