గ్రంథాలయం
ప్రొఫైల్
ప్రేమతో
ప్రేమతో
1 min
4
నిజస్నేహ గీతమై..పొంగనీ ప్రేమతో..!
గురుశాంతి దీపమై..ఉండనీ ప్రేమతో..!
ఈ నేను నీ భిక్ష..మరి ఏమి కాదులే..
సమభావ కలశమై..మిగలనీ ప్రేమతో..!
ఎవరితో సమరమో..ఎందుకీ జన్మమో..
పెనుమాయ సాక్ష్యమై..నిలువనీ ప్రేమతో..!
ప్రశ్నించు మనసుతో..పోరాట మేమిటో..
నిజప్రణయ రాగమై..సాగనీ ప్రేమతో..!
చరితలో కథలెన్నొ..నా కథయె చిత్రమే..
నిజనాట్య శిల్పమై..ఆడనీ ప్రేమతో..!
నీవెచట ఉన్నావొ..వేదనే నివేదన..
ఓ చిన్ని పుష్పమై..రాలనీ ప్రేమతో ..!
