గ్రంథాలయం
ప్రొఫైల్
పాటైనది
పాటైనది
1 min
3
వేదించే మాధుర్యం..రేయినోటి పాటైనది..!
అనురాగపు రాగఫలం..రేయినోటి పాటైనది..!
ఒక ఆరని చిచ్చురేపి..వెళ్ళుటెంత మనోహరం..
రేరాణీ సుమగంధం..రేయినోటి పాటైనది..!
వింటూనే విననట్లుగ..ఎందుకలా ఉంటావో..
వెన్నెల కత్తుల హాసం..రేయినోటి పాటైనది..!
ఆవేదన కన్న అసలు..లోకంలో మధువేదట..
గగనమంత నిశ్శబ్దం..రేయినోటి పాటైనది..!
మాయగాక ఉందేమిటి..కనిపించే ప్రపంచాన..
పలుకరాని ప్రియమౌనం..రేయినోటి పాటైనది..!
మదిలోయల పోటెత్తే..సంద్రాలను చూపనెలా..
వీడలేని అనుబంధం..రేయినోటి పాటైనది..!
