ఓ మనసా...

కుశలమని కబురంపితే నీసొమ్మేం పోతుంది

ఏడున్నావో చెప్తే నీకడ్డేం అవుతుంది

నావెంటే ఉండమన్నానా నాచుట్టూ తిరగమన్నానా

ఏలావున్నావో చెప్పమనేగా అన్నాను

వివరం తెలియక సతమతమవుతున్నాను

మోస్తానన్నావుగా నా భారం మొయ్యి జీవితాంతం

నవ్వుతూ భరిస్తూవున్నావుగా భరించుమరి నీ ఖర్మ ఆజన్మాంతం...

నిన్నటిరోజు మనసు తీరలేదు నేడేమో ఇంకనూ రానేలేదు...

రేపటికైనా నీ మమతను కలుగచేయుమా... ప్రియతమా 

కన్నుల కాయలు కాయించ నీకిది న్యాయమా మనసా..

మనసుకు ఏకాంతం అద్దేసి మాటకు మౌనం ముసుగేసి

కన్నీటిని చిరునవ్వుతో కప్పేసి కోరికల గుర్రాన్ని కట్టేసి

ఆరాటం అంచుని అణిచేసి సంతోషం చీటీని చింపేసి

నిశిలో నిస్పృహలో ఏదోలా అలా జీవించేస్తున్నా...

   ... సిరి ✍️