ఒక్కసారి వచ్చి పో చెలీ

నీ తడి లేక వాగులు, వంకలు 

నదీ ప్రవాహ దారులు ఇసుక ఎడారులై 

ఒట్టి పోతున్నాయి/ మా చిన్నోళ్లు చేసిన

కాగితం పడవలు నేలపై దోగాడుతున్నాయి

నువ్వు రాక మనిషి మాయమై పోతున్నాడు

నువ్వు లేక నేను వలస పక్షి నై 

బాట లేని బాటసారినై

ఎక్కడికిపోతున్నానో ఎటుపోతున్నానో

తెలియడం లేదు/ఓసారి వచ్చిపో చెలీ!

వేకువలో తెల్ల చీరతో వస్తావో!

సాయం సంధ్యలో ఎర్ర చీరలో వస్తావో నీ ఇష్టం

ఒక్కసారి అంబరం వదలిరా! నేల సంబరం చూసి పో!నీకోసమే చూస్తున్నా! ఓసారి వచ్చిపో చెలీ!