నీకోసమే చూస్తున్నా మనసా

నీకోసమే చూస్తున్నా

గాలిమామ ఈలల మేళ తాలలతో 

నువ్వోస్తే కిలకిలమని పిచ్చుకలు 

పచ్చికపైకి దూకి రెక్కల్ని రెపరెపలాడిస్తే

చూడాలనివుంది చిత్రం

నువ్వొస్తావని మా గిజిగాడి ఎండు తీగల

వెండి ప్యాలస్ పైకెక్కి ఎదురు చూస్తున్నా

ఓసారి వచ్చిపో చెలీ!

నీ జడి లేక నేల గర్భం మండుతుంది

నీ మడి లేక/ నాన్న ఎండుతున్న పంటకు 

కాటికాపరయ్యి దిగాలై పోతున్నాడు