గ్రంథాలయం
ప్రొఫైల్
నేను -నాది
నేను -నాది
1 min
1
గుండెకోత మాటలలో..పెట్టుటెలా ఇపుడు..!
ఆ వేదన గీతముగా..మలచుటెలా ఇపుడు..!
మనిషిలోని మనిషి నిదుర..లేవడమే లేదు..
ప్రాణానికి విలువ ఇంత..కట్టుటెలా ఇపుడు..!
ఆత్మీయత మించి అసలు..ధనమేదో ఏమొ..
మనసుగుట్టు చెవిచెవిలో..చెప్పుటెలా ఇపుడు..!
ఎంతవింత బంధాలో..ఎవరికెవరు గాక..
హృదయవీణ తంత్రులనే..మీటుటెలా ఇపుడు..!
ఎంతసేపు "నేను-నాది"..గొడవలోనె బ్రతుకు..
అసలు నేను మూలమేదొ..చూపుటెలా ఇపుడు..!
ఆశ ఎండమావి కదా..నిరాశయే బుడుగు..
ఇంతకన్నా మాయలేదు..తెల్పుటెలా ఇపుడు..!
