నేనంత

నీ గాన మాధురిని..పొగడగా నేనెంత..! 
ఏవేవొ మాటలతొ..అల్లగా నేనెంత..! 

గుండెతడి బ్రతికించు..నీచూపు చాలోయి.. 
నీ మహిమ రుచినింత..పంచగా నేనెంత..! 

నిదురలో మెలకువలొ..జన్మాల చెలుడవే.. 
ఈ మాయ తెఱపట్టు..పలుకగా నేనెంత..! 

దండాలు అడుగవే..దండలే కోరవే.. 
నిజపసిడి కొండవే..చూపగా నేనెంత..! 

మెఱుపులో చినుకులో..నటరాజ రాజువే.. 
నీ రూపు బొమ్మగా..చెక్కగా నేనెంత..! 

చిత్రాలు శిల్పాలు..కాలగతి చాటేను.. 
కావ్యమై పొంగగా..దూకగా నేనెంత..!