Library
మనిషి బుద్ధి
మనిషి బుద్ధి
పాడు బుద్ధి జాడ రా
మంచి బుద్ధి యాడ రా
మునుగుతున్న ఓ డరా
మనిషి బుద్ధి చూడరా !
అవతలి వాడిని తొక్కాలా
అందాలెన్నో ఎ క్కాలా
అందినదంతా మెక్కాలా
అన్ని దైవాలకు మొక్కాలా !
అడ్డదారి నడవాలి
చెడ్డదారి గెలవాలి
చచ్చి చెడి బ్రతకాలి
నానా గడ్డి కతకాలి !
బలహీనత పట్టరా
బలం మీద కొట్టరా
ధనం కొల్లగొట్టరా
ఇహం పరమ నీదిరా !
బల్ల గుద్ది చెబుతారా
కుళ్ళు బుద్ధి నీదేరా
పాడు బుద్ధి పోదేరా
మంచి బుద్ధి రాదేరా !
నేను నా స్వార్ధం
ఇదే జీవిత పరమార్ధం
తెలుసా జీవితానికి అర్ధం
తెలియకుంటే నీకే అనర్ధం !
ఇంటి గుట్టు రట్టురా
యూట్యూబ్ లో పెట్టరా
హిట్లు, లైకులు కొట్టరా
కాసులు చేతబట్టరా !
ఎవరినెలా వాడుకుందాం
ఎవరితో ఎలా ఆడుకుందాం
ఎవరినెలా మోసగిద్దాం
ఎంత పైకం దండుకుందాం !
మనది ఒకడికి పంచం
మనకి డబ్బే ప్రపంచం
దేవుడికిస్తాము లంచం
చేడు జరిగితే సహించం !
గోతి కాడ నక్కలు
విశ్వాసం లేని కుక్కలు
తీస్తే పాపాల లెక్కలు
కనిపిస్తాయి వీరికి చుక్కలు !
అవకాశవాదులురా
గుచ్చే గుండు సూదులురా
పాపాలకు పాదులురా
కట్టాలి వీరికి సమాధులురా !
మనకి మనమే గొప్పరా
పది మందిలో డప్పురా
నీ సోదే చెప్పరా
నిజాలను కప్పరా !
ఈసీ మనీ కావాలి
లేజి గా బ్రతకాలి
క్రేజీ లైఫ్ ఉండాలి
నేనే బాగుండాలి !
