మధ్యతరగతి జీవితాలు

ఆశలేమో ఆకాశ వినువీధుల్లో..!

బాధలెన్నెన్నో బ్రతుకు సందుల్లో..!

నీడకేమో బరువైన బాడుగంట..!

నిండు నిదురకై నానావిధాల తంటా..!

ఆకలి తీర్చే అత్తెసరు అర్భక జీతం..!

దాహం మాన్పే వీధి కుళాయిల వీరంగం..!

Advertisement

ir="ltr">పండగొస్తే అప్పులూ.. ఆపసోపాలు..!

కాసుల్లేకున్నా.. కళ తప్పని జీవితాలు..!

నిత్య జగడమైననేమి నీతి పదిలం..!

స్థాయి కాదు.. సొంత పరువు ముఖ్యం..!

బ్రతుకుదెరువు కోసం బండెడు చాకిరీ..!

చావు వెక్కిరిస్తే, దహనంలోనూ సుఖమేదీ..?