కరాగిపోనీ

రాళ్ళనడుమ ఒకరాయిగ..ఉండి కరిగిపోనీ..! 

జాలువారు నీప్రేమన..నేను కలిసిపోనీ..! 

రాదు నిదుర రాదలసట..లేదుపగలు రేయే..

నాది ఏదొ తెలియదులే..ఇలా రాలిపోనీ..! 

ఇచ్చేందుకు ఏమున్నది..అన్నీ నీవైతే.. 

నీపదముల కాంతులలో..పాట సాగిపోనీ..! 

అడుగకనే అడుగుతీరు..నేర్పినావు సరెలే.. 

ఈ మడుగుకు అంటకనే..చూపు ఆగిపోనీ..! 

మాయామయ చిత్రాలకు..బందీగా ఎందుకు.. 

రంగులేని రాచిలుకను..నవ్వి ఎగిరిపోనీ..! 

మధుమాసం చేసేనా..మోసమేదొ చెప్పక.. 

తెలవారని నాతెలివిక..మరిగి ఇగిరిపోనీ..!