ప్రతినిధిగా

పనిచేస్తూ బ్రతకనిమ్ము..నీ ప్రేమకు ప్రతినిధిగా..! 
ఒక సాక్షిగ ఉండనిమ్ము..నీ మాటకు ప్రతినిధిగా..! 

బంగారపు చేమంతుల..వాన'లోన కురియనిమ్ము.. 
నీ పాటలు పాడనిమ్ము..ఈ తోటకు ప్రతినిధిగా..! 

అందలాలు అందమైన..బంధాలని ఏంచెప్పను.. 
ఈ'నేను'ను కదలనిమ్ము..నీ ధ్యాసకు ప్రతినిధిగా..!

దారిసరిగ తెలియకనే..ఎన్నికథలొ చరితకెక్కె..
ఈ భువిలో వెలగనిమ్ము..నీ కథలకు ప్రతినిధిగా..!

లెక్కలెల్ల ఇగిరిపోవు..చోటునెలా పట్టాలోయ్.. 
నా ఓటును వేయనిమ్ము..ఒకముద్దకు ప్రతినిధిగా..! 

విష్ణుతత్వ మెంతైనా..శివునాజ్ఞకు లోబడియే.. 
సత్యమిదే చాటనిమ్ము..గురుబ్రహ్మకు ప్రతినిధిగా..!