జలతరంగిణులు

జలజలమని సెలయేరులు ఉరుకుచు

జలజలమని సవ్వడులొనర్చుచు

జలపాతాల హోరును ధిక్కరించె

జావళీలనవి జ్ఞప్తికి తెచ్చె

జారుతూ బండలపై హొయలుపోతూ

జిలుగు వెలుగులు చిమ్ముతూ

జిగేల్మనిపించె రవికిరణములు పడి

జీవనయాన మిదియే యని, ఒనగూడి

జీవమిచ్చు పదార్థముల చేర్చుకొనుచు

జుమ్మనుచు అడ్డంకుల నెదురుకొనుచు

జూపెను మానవాళికి ప్రయాసలనెదుర్కొను తీరును

జూచి తమను, కష్టనష్టములను ఎదుర్కొమ్మని

జీవితమున వెరపన్నది ఉండరాదని

జయము వెరవని వారినే వరించునని

జేగంటలు మ్రోగవలెనన్న వీరత్వము చూపమని

జై జై నినాదములు నీకై ప్రజలంతా చేయుదురని

జగమున నీకు ఎదురే లేకుండునని

జలజల చిరునవ్వుల సవ్వడులతో కదలిపోయె