ఈ వానకు

పూరిగుడిసె ముంచెత్తే..ముచ్చటేల ఈ వానకు..!?

ఈ పుడమిని బాధపెట్టు..కోరికేల ఈ వానకు..!? 

కొండకోనలెల్ల కూల్చ..మనసు ఎలా వచ్చేనో.. 

వడగండ్లతొ వేదించే..వేడుకేల ఈ వానకు..!?

ఏమి గాలి ఏమి హోరు..ఎలా విరగదీస్తున్నది.. 

పిడుగుపాట్ల భీభత్సపు..పండుగేల ఈ వానకు..!?

నిప్పులు చెరిగే ఎండల..వేడికి జవాబిదేనా..

వరదపొంగులెత్త ఇంత..వేదనేల ఈ వానకు..!?

పరుగుతీయు వలపుమేఘ..రాశితాను అవుతోంది..

అమృతప్రేమ జల్లవ్వగ..యాతనేల ఈ వానకు..!?