గాయమేది

కంటిచాటు చుక్కకన్న..వేదించే గాయమేది..! 

గుండెగువ్వ ఘోషకన్న..ఓదార్చే గేయమేది..! 

ఎదురుచూపు మాన్పరాడు..ఎవ్వరితో చెప్పుకోను.. 

మనసు పడే గొడవకన్న..బాధించే నరకమేది..! 

చెలి కన్నుల అనురాగం..మరువలేని పరిమళమే.. 

ఆ చూపుల వానకన్న..మురిపించే స్వర్గమేది..! 

యతిప్రాసల సంగ్రామం..చెలిమిగీతి కవసరమా.. 

మౌనమైన ఊహకన్న..అలరించే పద్యమేది..! 

హృదయానికి నైవేద్యం..హృదయమనే భావింతును.. 

ప్రేమపూల తోటకన్న..బ్రతికించే సత్యమేది..!