ఎవరివో‌...

అందాల లోకంలో విహరించే దేవకన్యవా

నీ అందాల అంతఃపురానికి యువరాణివా

 తరగని చెరగని కావ్యానివా

కనులు కోరుకున్న తీరానివా

మదిని మురిపించే రూపానివా

మనసును తట్టిలేపే కిరణానివా

తొలిసంధ్యలో ఎర్రని మందారానివా

మలిసంధ్యలో తెల్లని నవమల్లికవా

గలగలపారే సెలయేరవా

మిలమిల మెరిసే నక్షత్రానివా

మంచు కడిగిన ముత్యానివా

హిమములో రాలే సుమానివా

వాసంత సమీరానివా

హేమంత తుషారానివా

వీణవేణువైన సరిగమవా

శరత్కాలపు చంద్రికవా

ఎవరివో........ నీవు

ఎవరివో............ 

నా మనసును దోచిన

వన్నెచిన్నెల వయ్యారానివా

నా కనులు ఎపుడూ కనని

దేవలోక సౌందర్యానివా