బ్రతుకు భవితకు దారి

బ్రతుకు భవితకు దారి చూపిన హితులనెప్పుడు తలచుకోనువు

భువన తలమున భవ్యరీతుల అందలాలకు చేరుకోనువు

నింగి వెలిగే సూర్యచంద్రుల

కాంతిపుంజమె జగతి నిల్పును

అంధకారపు అడుగుజాడల

మగ్గువారిని ఆదుకోనువు

కారుమబ్బులు ముసురుకుంటే

వరద రాకకు సూచనేనా

కష్టమేదో సౌఖ్యమేదో

ప్రీతి తోనే హత్తుకోనువు

 

బతుకు తెరువులు లుప్తమైతే

తోటివారిని నింద చేయకు

బండ్లు ఓడలు గాకపోవును

మంచితనమున మసలుకోనువు

చింత చేస్తే కలతలేవీ

చెంత వీడీ తొలగిపోవున

తీరు మార్గపు దారి యేదో 

శాశ్వతంగా తెలుసుకోనువు

ప్రతిభ లేవో ఒకరి పరమా..

చిన్నబుచ్చకు ఘనుడివైనా

అన్నదాతల కష్టజీవుల 

నిత్యశ్రమలను మెచ్చుకోనువు 

మహా వృక్షం ఛాయపడితే

చెట్టు యేదీ ఎదగదంటరు

కాపుగాచే నేస్తమోలే

'మధు'ర హితములు పంచుకోనువు 

 బ్రతుకు 

     06/08/23.