గ్రంథాలయం
ప్రొఫైల్
అందనంది
అందనంది
1 min
10
కలం గుండె పగిలింది..నా పాటకు అందనంది..!
చీకటి పురి విప్పింది..నా పాటకు అందనంది..!
ఉచితాలకు ఆరాటం..పరుగుకు అర్థం ఏమిటి..
ఆశరెక్క విరిగింది..నా పాటకు అందనంది..!
మనసు తడిని కోల్పోతే..మనిషితనం మాటేమిటి..
ప్రేమగొంతు నలిగింది..నా పాటకు అందనంది..!
ఉనికిలేని మరణంతో..పోరాటం ఈ నాటకం..
చినుకు కథగ మారింది..నా పాటకు అందనంది..!
నాటరాగ మాధుర్యం..ఎలా ఆవిరవుతోందో..
అమ్మతనం అలిగింది..నా పాటకు అందనంది..!
గతం ఎంత విచిత్రమో..జ్ఞాపకాల వనమేగా..
తీపి బాధ రగిలింది..నా పాటకు అందనంది..!
