గ్రంథాలయం
ప్రొఫైల్
అదే అదే
అదే అదే
1 min
4
ఈ అగ్నిది ఏ కులమో..నా కులం అదే అదే..!
ఆ నింగిది ఏ మతమో..నా మతం అదే అదే..!
ఎంత చదివి లాభమేమి..బుద్ధి వికాస మవకున్న..
మన గాలిది ఏ దేశమొ..నా దేశం అదే అదే..!
ఎన్ని రంగులెన్ని పరిమళాలు ఈ పూలకు..
మరి మట్టిది ఏ హాసమొ.. నా హాసం అదే అదే..!
ఏ కొండలు దూకేనో..నీటిబొట్టు కేమి తెలుసు..
ఏ మబ్బుది ఏ వర్ణమొ..నా వర్ణం అదే అదే..!
ప్రాంతీయత భావమేమొ..సరిహద్దుల రక్షణేమొ..
ఏ ప్రాణిది ఏ తేజమొ..నా తేజం అదే అదే..!
