வாய் மையில் வாய்மை இல்லை..

இதழ்களை செம்மை ஆக்கிடும்

வாய் மையில் இல்லை வாய்மை

கண்களை கவர்ச்சியாய் காட்டும்

கண் மையின் உள்ளேயும் பொய்மை

வெள்ளை முடியை கருமையாக்கும்

முடி மையை நம்ப முடியாமையும்

முதுமையை மூடி இளமையாக்கும்

கரு மையை நம்பிடும் முதுமையும்

 

உண்மை இல்லா எல்லா மையின்

வலிமை மிக்க பொய் மையின் மகிமை..

தூய்மையான தாய்மை மட்டுமே

பெண்மைக்கு என்றும் பெருமை..

தாய்மையும் பெண்மை யுமுலகில்  

மேன்மை சேர்த்திடும் இனிமை

வன்மை மிகுந்த ஆண்மை ரசிக்கும்

வண்மை நிறைந்த பெண்மை..

தகைமை சார்ந்த தலைமை காணல்

உவமை தாண்டிய உவகை

ஒருமையில் தன்மையின் பெருமை

உரைத்தல் கேட்பது கொடுமை..

பன்மையில் கூடிக் குலாவுதல்

தன்மையின் நிலையிலும்

இனிமை காணலாமென்ற

பன்மையின் அகலா பெருமை...

 

இரா பெரியசாமி..