பன்னீர் பூக்களாய்....

அழியாத நினைவுகளின்

இனிய பக்கங்கள்

பன்னீர் பூக்களின்

நறுமணத்தில் கோலமிட

என்றும் நிறைந்திருக்கும்

என் மனதினில்.

சில்லென்ற மழைச் சாரலில்

தண்ணென்று சொரிந்து

வெண்மையாக படர்ந்திருக்கும்

பன்னீர் பூக்களின் மென்மையினில்

தனித்திருக்கும் என் மனது!

இன்றும் அவை மலர்ந்திருக்கும்

காரிருள் சூழ்ந்த இரவுப் பொழுதுகள்

என் மனக்கண்ணில் தோன்றி

இளமைக் காலத்தில் தளும்பிய

ஆசைகளை இன்றும்

நினைவுபடுத்துகிறதே!