நீந்தும் மீனா விண்மீன்??

விழாத ஒளியால் விழுந்த நிழலால் 

மறையும் நிழலில் நிலவும் 

இரவில் நிலவும் இருளும் 

நிகழும் நிழலால் கிரகணம் 

பகலில் பகலும் இருளும் 

இரவில் நீந்தும் விண்மீன்

இருளால் ஒளிரும் - அம்மீனும்

பகலில் நீந்தும் நிழலில் 

இருளால் ஒளிரும் விண்மீன். 

வலையில் விழா மீனாம் 

வளையா ஒளி தரும் மீனாம் 

பகலவன் மறைந்த பகலில் 

வானில் நீந்தும் விண்மீனாம்.  

கிரகணம் தந்த நிழலால் 

அறியும் மீனின் இடப்பெயர்வு 

பகலில் ஒருவிடம் இரவில் மறுவிடம்

தவழும் மீனின் இடப்பெயர்வு 

நீந்தும் மீனா விண்மீன்?? 

சார்பியல் கண்டறிந்த வலையாம் 

காலவெளி என்னும் வலையாம் - அது 

இடப்பெயர்வை தந்த வலையாம். 

வலையில் விழுந்தது மீனா - இல்லை 

வளையா கர்வம் கொண்ட ஒளியாம். 

வலையில் விழுந்தது ஒளி

வளையத் தொடங்கும் ஒளி

காலவெளியின் வலையில் 

வளையா ஒளியும் வளையும்.