இயற்கை காதல்

ஏகாந்தம் எங்கும் சூழ

கீழ்வானத்தினை தொட்டுவிட

எத்தனித்தே ஓடும்

சாலையின் வளைவுதனில்

எழிலாய் ஆங்கோர் காதல் காட்சி !

மலை முகம் தனை

மெல்லிய நீர்த்துளிகள் கொண்டே

முத்தமுட்டு விட்டு

நாணமதுவும் ஆட்கொள்ள

ஓடோடிச் செல்ல எத்தனித்து

தவறி விழுந்ததோ மேகங்கள்?

நெடிதுயர்ந்த மலையின் முகமதில்

தன் முகம் மறைத்தே

அரங்கேற்றும் காதல் காவியமதில்

பித்தாகிப் போய் இலயித்தே நிற்கின்றேன் !

காதலதை என்னுள் நிறைக்கின்றேன் !