அணையவில்லையே!
அணையவில்லையே!
இருபது வயதில் அவனது ஆண்மையும் கம்பீரமும் எரித்த பொறாமைத் தீ
ப்யூட்டி பார்லரிலும் சலூனிலும் அணைந்தது
கல்லூரியில் இவன் குவித்த பதக்கங்கள்
என் பதக்கங்களின் எண்ணிக்கையைக் கூட்டியது
முப்பதில் அவன் மனைவியின் அழகில் விளைந்த பொறாமைத்தீ
அழகியைத் தேடி அலைய வைத்தது
நாற்பதில் அவன் சேர்த்த செல்வம்
என் செல்வத்தைப் பெருக்கியது
ஐம்பதில் இவன் பிள்ளைகளின் வளர்ச்சியைக் கண்டு பொறாமை கொண்டேன்
என் பிள்ளைகளும் வளர்ந்தார்கள்
பொறாமை நல்லதுதானே?
இல்லையென்று இன்றுதான் புரிந்து கொண்டேன்
அறுபதில்
அவன் நிம்மதியாய் இருக்கிறான்
இவன் நிம்மதியாய் இருக்கிறான்
என்னிடம் பொறாமைமட்டுமே மிஞ்சியிருக்கிறது