ପ୍ରେମଭରା ହୃଦୟ

ଆମେ କରିବାନି ସେହି ଲୋକଟିକୁ ତାଙ୍କ ପରି ବ୍ୟବହାର,

ଆମପାଶେ ଯଦି ଭଲଗୁଣ ଅଛି ତାକୁ ଦେବା ଦରକାର ।

 

ଏକା ଚାଲୁଥିଲେ ବାଟ ସରିଯାଏ କାମ ବି ସହଜେ ହୁଏ ,

ବନ୍ଧୁ ମିଳିଗଲେ ଗପରେ ଖୁସିରେ ବାଟ, କାମ ଅଧାରହେ ।

 

ବେଳେବେଳେ କିଛି ଖରାପ ସମୟ ଜୀବନରେ ଆସିଥାଏ,

ସେହି ସମୟରେ ସହଯୋଗ ପାଇଁ ଭଲଲୋକ ଜୁଟିଯାଏ ।

 

ବନ୍ଧୁତାର କିଛି ସର୍ତ୍ତ ରହେନାହିଁ ବିଶ୍ୱାସ କରିବ ଜଣେ,

ଆଉ ଜଣେଲୋକ ବୁଝିବ ତା'ମନ ନିଜର ମହତ ଗୁଣେ ।

 

ବିପଦଜନକ କାମ କରିବାକୁ ସବୁବଳ ଦରକାର,

ସୁନ୍ଦର ସମାଜ ଗଢିବାକୁ ଲୋଡ଼ା ପ୍ରେମଭରା ହୃଦୟର ।