तुझ्यात मला पाहते मी

पुन्हा चाफा बहरला

पुन्हा गंधात न्हाले मी

हरवूनी मी स्वतःस पुन्हा

तुझ्यात मला पाहते मी

सप्तरंगी ते स्वप्न तुझे

नव्याने तुझ्यात विरते मी

मोरपिशी मिठीत तुझ्या

पुन्हा नव्याने जगते मी

थांबव ना हे क्षण सारे

पुन्हा तुझ्यात सामावू दे

पिवूनी हे ओठांचे प्याले

तुझ्यात पुन्हा जगू दे

पुन्हा नवा भासे स्पर्श तो

रात चांदण्यांनी बहरली

हरवूनी मी स्वतःस पुन्हा

तुझ्यात मला पाहते मी