लाइब्रेरी
प्रोफाइल
अशी रात्र चांदण्यांची
अशी रात्र चांदण्यांची
1 min
276
मी वाऱ्याच्या पंखावरती
गीत लिहावे,
त्यात तू सूर पेरावे ।
प्रीत आपली अशी असावी
अशी रात्र चांदण्यांची
तू रोज पांघरावी ।।
रीत तुझी मलाही जाहली
पावसात तू असे भिजावे,
सौंदर्य जसे आरशावरून ओघळावे
अशी रात्र चांदण्यांची
तू रोज पांघरावी ।।
तू वात अन् मी
काजव्यासारखे जळावे
ह्रदयाचे स्पंदन
नयनांना कळावे,
तू माझं आकाश
अन् मी तुझ्या
क्षितिजावर मावळावे ।
अशी रात्र चांदण्यांची
तू रोज पांघरावी ।।
