गुपित प्रेम माझे

प्रेम माझे त्याच्यावर खूप अतूट ,

      पण लपविणे हेच माझे गुपित होते l

प्रेम त्याने दर्शविता, कठीण खूप,

         मला त्याला ,नाही सांगणे होते l

हसत हसत त्याला ठेवून ,

        रडत मात्र मी आतून होते l

दुसरी जवळ त्याला सोपवितांना,

           काळीज माझे पिरगळत होते l

सुखी आयुष्य त्याचे करताना, 

        रक्ताचे माझ्या पाणी होत होते l

माझा असता बघता दुसरी सोबत,  

        हृदयात माझ्या गलबलत होते l

लग्नात त्याच्या सजता साधताना,

          प्राण माझे कंठाशी येत होते l

प्रेम त्याच्यावर खूप पण, त्याची, 

        साथ देण्याइतके,आयुष्य कमी,

              असे माझे नशीब होते l

 प्रेम त्याच्यावर खूप अतूट,

      पण लपविणे, हेच माझे गुपित होते l