ಜನುಮ ದಿನ

ಜನುಮ ತಳೆದವನಿಗುಂಟು

ಒಂದೊಂದು ಜನುಮ ದಿನ

ಕಾಲನ‌ ಸಮೀಪ ಸೂಚಿಪ ಮೂಲಮಾನ

ಹಗಲು ಇರುಳೆಂಬ ಕೊಳಗಗಳು

ಅಳೆಯುವುವು ಆಯುಷ್ಯಗಳ

ವರುಷ ಉರುಳಿ ವರುಷ ಮರಳುವುದು

ವರುಷ ವರುಷಗಳು ಕಳೆದು

ಆಯುಷ್ಯದಳತೆ ಏರುವುದು

ಕಳೆದ ವರುಷಗಳು ಮರಳಿಬಾರದು

ಗತದ ನೆನಪುಗಳೊಡನೆ

ಭವಿತವ್ಯದ ಭರವಸೆಗಳೊಡನೆ

ಸಾಗುವುದು ವರ್ತಮಾನದ ಪಯಣ

ಜನನ ಮರಣಗಳ ಪರಿಧಿಯಲಿ

ಬಾಲ್ಯ ಕೌಮಾರ್ಯ ಯೌವನ

ವಾರ್ಧಕ್ಯಗಳ ನಿರಂತರ ಪರಿಭ್ರಮಣ

ಈ ವರ್ತುಲವ ದಾಂಟುವುದಕೆ

ಅಂತರಂಗದ ಆತ್ಮಾವಲೋಕನ ಕೆ

ಏಕೈಕ ಸುದಿನ ಈ ಜನುಮದಿನ