ಮಾಸದ ಕನಸು
ಮಾಸದ ಕನಸು
ಕನಸುಗಳೆಷ್ಟು ಸುಂದರ...
ಸಾಗುತಲಿರುವುದು ನಿರಂತರ..
ಅದರಲೇನೋ ಮಾಯೆಯಿದೆ...
ಕಾಣದ ನೂರು ಲೋಕವಿದೆ.
ಬಣ್ಣ ಬಣ್ಣದ ಕಾಮನಬಿಲ್ಲಿನಂತೆ,
ಬಂದು ಹೋಗುವುದು ಮಾಯೆಯಂತೆ..
ಕೆಲವೊಮ್ಮೆ ಮೂಡುದತಿರಲು..
ಈ ಅಂತರಾಳದ ವಿಶಾಲ ಕಡಲು..,
ಸಾಗುತಲಿ ದಾರಿ ಹುಡುಕುತಲಿ..
ನೆನಪಿನ ಗೂಡಿನ ಬುತ್ತಿಯಲಿ..,
ಮರೆಯಾಗದೇ ನಿಂತವು ಮುಸುಕಿನಲಿ..
ಓ ಬದುಕೇ, ಈ ಜೀವದ ಅಲೆಯ..
ಬಾನಂಗಳದಲ್ಲಿ.. ತಂಪಾದ ಗಾಳಿಯಹಾಗೆ
ಬೀಸುವ ಈ ಕನಸುಗಳು..,
ಮುಂಜಾನೆಯ ಇಬ್ಬನಿಯಂತೆ,
ಕರಗುತಿಹುದೇಕೇ?
ಸದ್ದಿಲ್ಲದೇ ಹೊರಟುಹೋಯಿತೇಕೇ?
ಮನಸಿನ ಉತ್ತರವು ಹೀಗಿತ್ತು..,
ಬದುಕೆಂಬ ಯಾತ್ರೆಯಿದು,
ದೂರಸಾಗುತಲಿಹುದು...
ಹಗಲು ಇರುಳೆನ್ನದೆ ಸಾಗುತಿರಲು,
ಕತ್ತಲು ಬೆಳಕಿನ ಈ ಓಟದಲಿ..
ಬಂಡಿ ನಿಲ್ಲದು ಪಯಣದಲ್ಲಿ..,
ವಿಶ್ರಾಂತಿಯ ಈ ಪಥದಲ್ಲಿ,
ನಿನಗರಿವಿಲ್ಲದ ಲೋಕದಲ್ಲಿ..
ಕನಸಿನ ಬುತ್ತಿಗಳು,
ಬಂದು ಮರೆಯಾಗುವವು..
ಇದರಲ್ಲಿಹುದು ನಿನ್ನ ಪ್ರಶ್ನೆಗೆ ಉತ್ತರ,
ಮಾಸದಿರಲಿ ಕನಸು,
ನಸುನಗುತ್ತಾ ಸಾಗುತಿರಲಿ ಬದುಕು . !!